Charlotte's Web 2: Wilbur's Great Adventure

A arañeira de Charlotte 2: A gran aventura de Wilbur
Ficha técnica
Título orixinal	Charlotte's Web 2: Wilbur's Great Adventure
Director	Mario Piluso
Guión	Elana Lesser Cliff Ruby
Intérpretes	David Berón Julia Duffy Charles Adler Amanda Bynes
Música	Michael Tavera
Estrea	2003
Duración	79 minutos
Orixe	Estados Unidos
Xénero	animación aventura drama comedia infantil
Na rede

Charlotte's Web 2: Wilbur's Great Adventure (en galego, A arañeira de Charlotte 2: A gran aventura de Wilbur) é un filme de animación, continuación do filme de 1973 Charlotte's Web, producido en conxunto de Parmount Pictures, Universal Studios, Universal Animation Studios e Nickelodeon, dirixida por Mario Piluso, e lanzada a Universal Pictures por primeira vez nos Estados Unidos o 18 de marzo de 2003. Está distribuído pola Paramount Home Entertainment, nos Estados Unidos e no resto do mundo pola Universal Studios Home Entertainment. O filme baséase no libro infantil Charlotte's Web, escrito por E. B. White. O filme ten unha mensaxe clara de amizade e individualidade.

O filme vira en torno a Wilbur, que vive nunha granxa e ten que facerse cargo de tres novas arañas, que foron as fillas da araña Charlotte, quen morreu no primeiro filme, e debe evitar que o novo amigo, unha ovella negra chamada Cardigan, sexa comida por un raposo malvado chamado Farly. Esta continuación foi amplamente criticada. En TV Guide díxose que no filme non se captura o corazón e o espírito do orixinal e tamén criticou a animación (á cal se referiu como "pobre"). Mike Long de DVD Talk tamén dixo que a animación é mediocre, semellante a unha caricatura "de sábado pola mañá".

Sinopse

Wilbur o porquiño sabe como é de importante a amizade, unha lección que aprendeu coa araña Charlotte. Entón, cando coñece a Cardigan, un carneiriño solitario, axiña se torna o seu amigo. Cardigan ensínalle a Wilbur todas as marabillas da vida na granxa e preséntalle a tres arañas moi especiais: Nellie, Arana e Joy, as fillas de Charlotte.

Cando o caseiro Zuckerman vende a Cardigan a outra facenda, inmediatamente sabe que facer. Acompañado polo intelixente rato Templeton, Wilbur e Charlotte embarcan nunha viaxe inesquecible para atoparen a Cardigan, durante a cal van descubrir que con coraxe, amor e amizade poden obter o que se propoñan.